யாழில் அவசர கூட்டமாம்!

 

யாழ்ப்பாண மாவட்ட அனர்த்த நிலமைகள் தொடர்பான விசேட கலந்துரையாடல் ஒன்று அமைச்சரும் யாழ்ப்பாண மாவட்ட ஒருங்கிணைப்புக் குழுவின் தலைவருமான இராமலிங்கம் சந்திரசேகர் தலைமையிலும் யாழ்ப்பாண மாவட்ட  அரசாங்க அதிபரும் ஒருங்கிணைப்புக் குழுவின் செயலாளருமான மருதலிங்கம் பிரதீபன்  ஏற்பாட்டிலும்  இன்று பிற்பகல் மாவட்ட செயலகத்தில் நடைபெற்றதுடன் சமநேரத்தில் நிகழ்நிலை  ஊடாகவும்  நடைபெற்றது.

வடக்கு மாகாண ஆளுநர் .நாகலிங்கம் வேதநாயகன்  இக்கலந்துரையாடலில் நிகழ்நிலை ஊடாக கலந்துகொண்டிருந்தார்.

அமைச்சர் சந்திரசேகரன்  கருத்துதெரிவிக்கும் போது சனாதிபதி அவர்களுடன் இடம்பெற்ற கலந்துரையாடலின் பிரகாரம் பாதிக்கப்பட்ட மக்களுக்கு தேவையான வசதிகளை ஏற்படுத்தி கொடுக்குமாறும் அனைவரது ஒத்துழைப்பையும் கேட்டுக்கொண்டார். மேலும் அனர்த்தத்தின் போது பாதுகாப்பு நிலையங்களில் செல்லாத நண்பர் உறவினர்கள் வீடுகளில் தங்கி நிற்பவர்களுக்கு  நிவாரணம் வழங்க ஏற்பாடு செய்யுமாறும் தெரிவித்ததுடன் அந்த பிரதேசங்களில் உள்ள மக்கள் எதிர்நோக்குகின்ற பிரச்சினைகளை பிரதேச செயலாளர்கள் தீர்க்க அரச அதிபருடன் கலந்தாலோசித்து செயற்படுமாறும் தெரிவித்தார். மேலும் அனர்த்த காலங்களில் மரங்கள் முறிந்துவிழும் அபாயம் இருக்கும் பட்சத்தில் அவற்றை அகற்றுவதற்கு  இராணுவ உதவிகளை நாடமுடியுமெனவும் தெரிவித்தார்.