இஸ்ரேலுக்கு எதிராக திரும்பிய லத்தீன் அமொிக் நாடுகள்!! உறவைத் துண்டித்தது பொலிவியா!!

காசாவில் அப்பாவி மக்கள் மீது இரக்கமற்ற முறையில் தொடர் தாக்குதல்களை நடத்தி வரம் இஸ்ரேல் மீதான உத்தியோகபூர்வ உறவைத் துண்டித்தது லத்தீன் அமெரிக்க நாடுகளில் ஒன்றான பொலிவியா.

அந்நாடு இஸ்ரேலின் டெல் அவிவில் உள்ள தங்கள் தூதர்களை ஆலோசனைக்காக திருப்பி அழைத்துள்ளது.

காசா பகுதியில் நடைபெறும் இஸ்ரேலின் ஆக்கிரமிப்பு மற்றும் இராணுவத் தாக்குதலை நிராகரித்தும் கண்டித்தும் இஸ்ரேலிய அரசுடனான இராஜதந்திர உறவுகளை முறித்துக் கொள்ள முடிவு செய்துள்ளது என்று துணை வெளியுறவு அமைச்சர் ஃப்ரெடி மாமணி செவ்வாய்கிழமை இரவு செய்தியாளர் சந்திப்பில் தெரிவித்தார்.

காசா பகுதியில் இதுவரை ஆயிரக்கணக்கான பொதுமக்கள் மரணம் மற்றும் பாலஸ்தீனியர்களின் கட்டாய இடப்பெயர்வுக்கு காரணமான தாக்குதல்களை நிறுத்த வேண்டும் என்று நாங்கள் கோருகிறோம் என்றார்.

இன்று புதன்கிழமை இஸ்ரேல் பொலிவியாவை பயங்கரவாதத்திற்கும் ஈரானில் உள்ள அயதுல்லா ஆட்சிக்கும் சரணடைவதாக குற்றம் சாட்டி ஒரு அறிக்கையை வெளியிட்டது.

தற்கிடையில், முற்றுகையிடப்பட்ட காசா பகுதியை இயக்கும் குழுவான ஹமாஸ், பொலிவியாவின் முடிவை வரவேற்றதுடன், டெல் அவிவ் உடனான தங்கள் உறவை இயல்பாக்கிய அரபு நாடுகளையும் அவ்வாறு செய்ய வலியுறுத்தியது.

அண்டை நாடுகளான கொலம்பியா மற்றும் சிலி ஆகியவை காசாவில் பொதுமக்கள் கொல்லப்பட்டதைக் கண்டித்தும், போர்நிறுத்தத்திற்கு அழைப்பு விடுத்தும் ஆலோசனைக்காக தங்கள் தூதர்களை திரும்ப அழைத்தன.

இஸ்ரேல் சர்வதேச மனிதாபிமான சட்டத்தை ஏற்றுக்கொள்ள முடியாத மீறல்கள் என்றும், காசா மக்களின் கூட்டு தண்டனை கொள்கையை பின்பற்றுவதாகவும் சிலி ஜனாதிபதி கேப்ரியல் போரிக் குற்றம் சாட்டினார்.

இந்த தாக்குதல்களை "பாலஸ்தீன மக்களின் படுகொலை" கொலம்பிய ஜனாதிபதி குஸ்டாவோ பெட்ரோ என்று கூறினார்.

மெக்சிகோ, பிரேசில் உள்ளிட்ட லத்தீன் அமெரிக்க நாடுகளும் போர் நிறுத்தத்துக்கு அழைப்பு விடுத்துள்ளன.