ரணிலே ஜனாதிபதி வேட்பாளர்!
ஜனாதிபதி ரணில் விக்கிரமசிங்க அடுத்த ஜனாதிபதித் தேர்தலில் போட்டியிடவுள்ளதோடு, அடுத்த வருட ஆரம்பத்தில் ஜனாதிபதித் தேர்தல் நடத்தப்படவுள்ளது.
சிறுபான்மை அரசியல் கட்சி நாடாளுமன்ற உறுப்பினர்களுடன் இந்த வாரம் நடைபெற்ற சந்திப்பில், ஜனாதிபதி வேட்பாளராக போட்டியிடப் போவதாகவும், தேர்தல்கள் ஆணைக்குழு, திறைசேரி மற்றும் சட்டமா அதிபருடன் கலந்தாலோசித்து அடுத்த ஆண்டு தொடக்கத்தில் தேர்தலுக்கு அழைப்பு விடுப்பதாகவும் ரணில் விக்கிரமசிங்க தெரிவித்துள்ளார்.
பொருளாதாரம் முன்னேற்றப் போக்கில் இருப்பதாகவும், எதிர்வரும் மாதங்களில் அது மேம்படும் என்றும் விக்கிரமசிங்க எதிர்க்கட்சி நாடாளுமன்ற உறுப்பினர்களிடம் தெரிவித்தார். கடந்த சில மாதங்களுக்கு முன்னர் இருந்ததை ஒப்பிடும் போது நாடு சிறந்த நிலையில் இருப்பதாகவும், பொருளாதாரம் ஸ்திரமானவுடன் அனைத்து அரசியல் கட்சிகள் மற்றும் சம்பந்தப்பட்ட தரப்பினரையும் கலந்தாலோசித்து ஜனாதிபதி தேர்தலுக்கு அழைப்பு விடுப்பதாக ஜனாதிபதி தெரிவித்தார்.
ஏப்ரல் அல்லது மே மாதங்களில் சர்வதேச நாணய நிதியத்தின் உடன்படிக்கையை பாராளுமன்றத்தில் சமர்ப்பித்ததன் பின்னர் பொருளாதார மறுமலர்ச்சியை வலுப்படுத்தும் வகையில் சர்வதேச நாணய நிதியத்தின் சீர்திருத்தங்களை அமுல்படுத்துவதற்கு பாராளுமன்றத்தில் உள்ள அனைத்து அரசியல் கட்சிகளும் ஒன்றிணைந்து செயற்படுமாறு அழைப்பு விடுப்பதாக ஜனாதிபதி மேலும் தெரிவித்தார்.
அரசாங்கத்தில் இணைய விரும்பும் எதிர்க்கட்சி நாடாளுமன்ற உறுப்பினர்களிடம், இந்த எம்.பி.க்களை அந்தந்த குழுக்கள் அல்லது அரசியல் கட்சிகளுடன் வருமாறும், கட்சித் தலைமை அரசாங்கத்தில் சேர விரும்பவில்லை என்றால், எம்.பி.க்கள் தாங்களாகவே செல்லலாம் என்றும் தெரிவித்துள்ளார்..
எவ்வாறாயினும், தமக்கு தற்போது பாராளுமன்றத்தில் பெரும்பான்மை இருப்பதாக விக்கிரமசிங்க நாடாளுமன்ற உறுப்பினர்களுக்கு அறிவித்துள்ளதாகவும், எனவே எதிர்க்கட்சி எம்.பி.க்களை எடுப்பதில் அவர் அவசரப்படவில்லை எனவும் கூட்டத்தில் கலந்து கொண்ட வட்டாரங்கள் டெய்லி மிரருக்கு தெரிவித்தன. இந்த எம்.பி.க்கள் தானாக முன்வந்து ஆதரவைச் செய்ய வேண்டும் என்றும் அரசியல் அழுத்தத்திலோ அல்லது பதிலுக்கு இலாகாக்களை எதிர்பார்த்தோ இருக்ககூடாது என்றும் அவர் கூறினார்.
பொருளாதாரத்தை மேலும் முன்னெடுத்துச் செல்வதற்கு அனைத்துக் கட்சிகளும் ஒன்றிணைந்து செயற்படும் வகையில் எதிர்க்கட்சியில் இருக்கும் போது அரசாங்கத்திற்கு ஆதரவளிக்கும் வகையில் அத்தகைய பாராளுமன்ற உறுப்பினர்களுக்கு பணிகளும் பதவிகளும் ஒதுக்கப்படும் என்றார்.
ஐக்கிய மக்கள் சக்தி உள்ளிட்ட பல எதிர்க்கட்சி நாடாளுமன்ற உறுப்பினர்கள் ஜனாதிபதியுடன் கலந்துரையாடி வருவதாகவும், நாட்டை முன்னோக்கி கொண்டு செல்வதற்கு ஆதரவளிக்கத் தயாராக இருப்பதாகவும் ஜனாதிபதியிடம் தெரிவித்துள்ளனர்.
Post a Comment