டெஸ்லா சைபர்கேப் மகிழுந்தை அறிமுகப்படுத்தத் திட்டமிட்டுள்ளது

சைபர்கேப் சேவையை இந்த மாதமே டெக்சாஸின் ஆஸ்டினில் தொடங்கி பொதுமக்களுக்காக அறிமுகப்படுத்தத் தயாராகி வருவதாக ஊழியர்களிடம்

நிறுவனம் தெரிவித்துள்ளது என டெஸ்லா புதிய திட்டங்கள் குறித்து அறிந்தவர்களை மேற்கோள் காட்டி, தி இன்ஃபர்மேஷன் திங்களன்று வெளியிட்ட செய்தியில் தெரிவிக்கப்பட்டுள்ளது.

பெடல்கள் அல்லது ஸ்டீயரிங் வீல் இல்லாத, பிரத்தியேகமாகத் தானியங்கி வாகனமாக  சைபர்கேப் உருவாக்கப்பட்டுள்ளது. இது டெஸ்லாவின் ரோபோடாக்சி இலக்குகளுக்கு மிகவும் இன்றியமையாதது. ஏனெனில், அந்நிறுவனம் தனது தானியங்கி பயண முன்பதிவு சேவைக்காக இந்த வாகனத்தை இறுதியில் பயன்படுத்தத் திட்டமிட்டுள்ளது.

பொதுச் சாலைகளில் தனது ஊழியர்களுக்குப் பயணங்களை வழங்குவதன் மூலம் சைபர்கேப் அறிமுகத்தைத் தொடங்கவுள்ளது. பின்னர் சில நாட்களுக்குப் பின்னர் ஆஸ்டினில் உள்ள தனது ரோபோடாக்சி சேவையில் சைபர்கேப்களை இணைக்கவும் திட்டமிட்டுள்ளதாக டெஸ்லா ஊழியர்களிடம் கூறியதாக அந்த அறிக்கை தெரிவிக்கிறது.

சோதனை ஓட்டம், தனியார் சாலைகளில் ஊழியர்களுக்குப் பயண வாய்ப்பு வழங்குதல் மற்றும் உள்ளூர் முதல்நிலை மீட்புப் பணியாளர்களுக்குப் பயிற்சி அளித்தல் உள்ளிட்ட நடவடிக்கைகளுடன், அண்மைக் வாரங்களில் அந்நிறுவனம் தனது அறிமுகத்திற்குத் தயாராகி வருவதாக அந்த அறிக்கை தெரிவித்தது.