திருமலையில் கடத்தப்பட்டவர் எரியூட்டிக்கொலை?

 

திருகோணமலையில் கடத்தப்பட்ட தமிழர் வர்த்தகர் ஒருவர் வாகனம் ஒன்றுடன் முற்றாக எரியூட்டப்பட்ட நிலையில் சடலமாக மீட்கப்பட்டுள்ளார்.

அவ்வாறு சடலமாக மீட்கப்பட்டவர்,  செல்வநாயகம்புரம் பகுதியை சேர்ந்த ஜெயரூபன் (வயது - 42) என தெரியவந்துள்ளது.

முன்னதாக உயிரிழந்தவர் இனந்தெரியாத நபர்களினால் கடத்தப்பட்டதாக  திருகோணமலை உப்புவெளி காவல் நிலையத்தில்  முறைப்பாடு செய்யப்பட்டுள்ளது.

ஜெயரூபனை வீட்டிலிருந்து நபரொருவர் வெள்ளிக்கிழமை (12)  அதிகாலை 2 மணியளவில் அழைத்துச் சென்றதாகவும் பின்னர் இரு தரப்பினருக்கிடையில் ஏற்பட்ட கைகலப்பினால் அவர் தாக்கப்பட்டதாகவும் அதன்பின்னர் அவர், காணாமல் போனதாகவும் குடும்பத்தினரினால் முறைப்பாடு செய்யப்பட்டிருந்தது. 

கோலை தொடர்பில் மூவர் கைது செய்யப்பட்டுள்ளதுடன் தப்பிச்சென்ற இரு சந்தேக நபர்களை தேடி வருவதாக காவல்துறை அறிவித்துள்ளது.