பதவியிலிருந்து துக்கி எறியப்பட்ட அமெரிக்க சாபாநாயகர்

அமெரிக்காவில் குடியரசுக் கட்சியின் கெவின் மெக்கார்த்தி மக்களவை சபாநாயகர் பொறுப்பிலிருந்து நீக்கப்பட்டுள்ளார். 

புளோரிடா நாடாளுமன்ற உறுப்பினரும் டிரம்பின் ஆதரவாளருமான மேட் கேட்ஸ் மெக்கார்த்தியைப் பதவியிலிருந்து அகற்ற வகைசெய்யும் நம்பிக்கையில்லாத் தீர்மானத்தை நேற்று முன்தினம் சமர்ப்பித்தார். 

நம்பிக்கையில்லா வாக்கெடுப்பில் ஜனநாயகக் கட்சி உறுப்பினர்கள் 208 பேருடன் குடியரசுக் கட்சி உறுப்பினர்கள் 8 பேரும் திரு. மெக்கார்த்தியின் பதவி நீக்கத்தை ஆதரித்து வாக்களித்தனர்.

அமெரிக்க வரலாற்றிலேயே பிரதிநிதிகள் சபையின் சபாநாயகர் நம்பிக்கையில்லா வாக்கெடுப்பில் தோல்வியடைந்தது இதுவே முதல் முறையாகும்.

அண்மையில் அமெரிக்க அரசாங்கம் முடங்கிப் போகக்கூடிய நிலையில் இருந்தது. அத்தகைய நிலையைத் தவிர்ப்பதற்குத் மெக்கார்த்தி போதிய நடவடிக்கைகளை எடுக்கவில்லை என்று குற்றஞ்சாட்டப்பட்டது.

அரசாங்க நிறுவனங்களுக்கு நிதியளிப்பதற்காக செனட் ஜனநாயகக் கட்சியினருடன் அவர் ஒப்பந்தம் செய்த பின்னர் அவரது கட்சியில் உள்ள கடும்போக்காளர்கள் அவருக்கு எதிராக வாக்களித்தனர்.

மற்றொரு சாத்தியமான அரசாங்க பணிநிறுத்தத்தைத் தவிர்ப்பதற்கான ஒப்பந்தத்தை ஏற்க காங்கிரஸுக்கு 40 நாட்களுக்கு மேல் உள்ளது.

புதிய தலைவரை விரைவில் தேர்ந்தெடுக்கும்படி அதிபர் ஜோ பைடன் மக்களவையைக் கேட்டுக்கொண்டுள்ளார்.