தமிழீழ விடுதலைப்புலிகளுக்கு உதவியதாக மலையகத்தில் இருந்து 42 பேர் சிறீலங்கா புலனாய்வு பிரிவினரால் கைது செய்யப்பட்டுள்ளனர்.

அவர்கள் அனைவரும் விடுதலைப்புலிகளுக்கு தங்குமிடவசதி செய்து கொடுத்துள்ளதாகவும் மற்றும் வேறு சில உதவிகளை செய்ததாகவும் தாம் சந்தேகிப்பதாகவும் அவர்களிடம் விசாரணை நடாத்திய விடத்தில் அனைவரும் முல்லைத்தீவில் விடுதலைப்புலிகளிடம் ஆயுதப் பயிற்சி பெற்றவர்கள் எனவும் அறிய முடிந்ததாகவும் தெரிவித்துள்ள சிறீலங்கா புலனாய்வுத்துறை அவர்களின் வாக்குமுலங்கள் பதிவு செய்துள்ளதாகவும் அவர்களை தடுப்புக்காவலில் வைத்து விசாரிக்க உள்ளதாகவும் தெரிவித்துள்ளது.

இவர்கள் அனைவரும் வரும் 12 ஆம் நாள்வரை தடுப்புக் காவலில் வைத்து விசாரணை செய்ய நீதி மன்றும் அனுமதி வழங்கிளுள்ளது.

விடுதலைப்புலிகளுடனான  போர் முடிவடைந்துள்ளதாக அறிவித்த பின்னர் சிறீலங்காவின் மத்திய பகுதியில் பொரும் தொகையில் விடுதலைப்புலிகளுடன் தொடர்புள்ளவர்கள் எனக் கூறி கைது இளைஞர்கள் செய்யப்பட்டுள்ளது இதுவே முதல் தடைவை என்பதுடன் சிறீலங்கா அரசின் இவ்வாறான நடவடிக்கைதான் ஈழத் தமிழர்கள் கடல் மார்க்கமாகவோ வேறு வழிகளிலோ வெளிநாடுகளில் தஞ்சம் கோரக் காரணம் என்பது குறிப்பிடத்தக்கது.