செவ்வாய், 26 செப்டம்பர் 2017
Selva Zug 2
Thileepan vilamparam swiss
Government-and-Politics-in-Sri-Lanka
dance

கலைத்திறன்போட்டி மத்திய மாநிலம், யேர்மனி

கல்வியும் கலையும் நம்மிருகண்கள், நல் தமிழ் மொழியெங்கள் உயிராகும்.

கடந்த 27 ஆண்டுகளுக்கும் மேலாக யேர்மனியில் வாழும் தமிழ்ப் பிள்ளைகளுக்கு தமிழ் மொழியையும், எமது கலை, பண்பாடுகளையும் தமிழாலயங்கள் ஊடாகப் போதித்துவரும் தமிழ்க் கல்விக் கழகம் தனதுவளர்ச்சிப் படிகளில் மீண்டும் ஒரு அலகைப் புரட்டுகின்றது.

தமிழாலயங்களில் கல்விபயிலும் மாணவர்களுக்கு தேர்வு, தமிழ்த்திறன் போன்ற முக்கிய நிகழ்வுகளின் ஊடாக மாணவர்களின் திறனுக்கு களம் அமைத்து அவர்களின் கல்வித் திறனில் உயர்ந்து நிமிர்ந்து நிற்கும் தமிழ்க் கல்விக்கழகம், இவ்வாண்டிலிருந்து தமிழாலய மாணவர்களிடையே புதிய கலைத்திறன் என்றபோட்டியை அறிமுகம் செய்துள்ளது. அந்தவகையில் 100 க்கு மேற்பட்ட தமிழாலயங்களில் பயிலும் பல்லாயிரம் மாணவர்களிடையே எமது நுண்கலைகளையும், கிராமியக்கலை வடிவங்களையும் சிறுவயதிலிருந்தே அறிமுகம் செய்து பயிற்றுவித்து அவற்றைப்பாதுகாக்கும் ஒரு அற்புதமானபணிக்கான அத்திவாரம் இன்று அமைக்கப்படுகின்றது.

காவடி, கரகம், பொய்க்கால் குதிரை, கும்மிகோலாட்டம், விடுதலை நடனம், பரதநாட்டியம், வாய்ப்பாட்டு, விடுதலைப்பாடல், நாடகம்,  கூத்து போன்ற கலைகளின் திறன் இப்போட்டிகள் ஊடாகக் கணிக்கப்படுகின்றது. இப் போட்டியானது முதற்கட்டமாக தமிழாலயமட்டத்திலும் இரண்டாம் கட்டமாக மாநிலமட்டத்திலும் நிறைவாக நாடுதழுவிய மட்டத்தில் இறுதிப் போட்டிகளும் நடைபெறவுள்ளன.

தமிழாலயங்களின் போட்டிகள் நிறைவாகியுள்ள நிலையில் மாநிலங்களுக்கான போட்டிகளின் வரிசையில் சென்ற 11.02.2017 Krefeld நகரில் மிகவும் சிறப்பாக நடைபெற்றது. நிகழ்வை ஆரம்பித்து வைத்து வந்தவர்களை வரவேற்ற தமிழ்க் கல்விக் கழகத்தின் கலைப்பிரிவுப் பொறுப்பாளர் திரு.நவரட்ணம் இந்தநாள் கலைப் பிரிவின் முழுமைக்கான முயற்சியின் முதல் நாள் என்று மகிழ்வோடு குறிப்பிட்டார்.

மத்திய மாநிலத்துக்கான நிகழ்வு மங்கல விளக்கேற்றலுடன் ஆரம்பமாகியது.

1.    தமிழர் ஒருங்கிணைப்புக் குழுவின் மத்திய மாநிலப் பொறுப்பாளர்களாகிய
திரு. றஞ்சன்  அவர்களும்

2.    திரு சுதா அவர்களும்

3.    தமிழ்ப் பெண்கள் அமைப்பின்  முக்கிய செயற்பாட்டார்களில் ஒருவரான
திருமதி கலா ஜெயரட்ணம் அவர்களும்

4.    தமிழாலய நிர்வாகி திருமதி உதயதேவி ஐஸ்ரின் ( டெய்சி அக்கா ) அவர்களும்

5.    தமிழர் விளையாட்டுக் கூட்டமைப்பின் பொறுப்பாளர் திரு தர்மலிங்கம் இராஐகுமார் ( குமார் ) அவர்களும்

விளக்கேற்றி விழாவை மங்கலமாக ஆரம்பித்துவைத்தனர்.

மத்திய மாநிலத்திலுள்ள 30 தமிழாலயங்களிலிருந்து 200 க்கு மேற்பட்ட மாணவர்கள் போட்டிகளில் கலந்துகொண்டார்கள். போட்டிகளை நடுவம் செய்வதற்கு யேர்மனியிலுள்ள ஆற்றல் மிக்க கலை வல்லுனர்கள் சிறப்பாகப்பணியமர்த்தப்பட்டதும் குறிப்பிடத்தக்க விடயமாகும்.

மாநிலப் போட்டிகளின் வரிசையில் 12.02.2017 வடமத்திய மாநிலத்திற்கான போட்டிகளும் 25.02.2017 வடமாநிலத்துக்கான போட்டிகளும் நடைபெறுவதற்கான ஒழுங்குகள் செய்யப்பட்டுள்ளதாகச் நடுவச் செயலகத்திலிருந்து கலைப்பிரிவினர் உறுதிப்படுத்தியுள்ளார்கள்.

மாநிலப் போட்டிகள் நிறைவுபெற்றபின் 18.03.2017 சனிக்கிழமை நாடு தழுவியமட்டத்திலான இறுதிப்போட்டி Nசுறு மாநிலத்தின் மையப்பகுதியில் நடைபெறுவதற்கான எல்லாவகையான நிர்வாகப் பொறிமுறைகளும் நிறைவாகியுள்ளதாகத் தமிழ்க் கல்விக் கழகத்தின் பொறுப்பாளர் திரு.செல்லையா லோகானந்தம் ( லோகன் ) அவர்கள் குறிப்பிட்டார்.

Kalaithiran Poddi Mathiyamanilam 01 Kalaithiran Poddi Mathiyamanilam 02 Kalaithiran Poddi Mathiyamanilam 03 Kalaithiran Poddi Mathiyamanilam 04 Kalaithiran Poddi Mathiyamanilam 05 Kalaithiran Poddi Mathiyamanilam 06 Kalaithiran Poddi Mathiyamanilam 07 Kalaithiran Poddi Mathiyamanilam 08 Kalaithiran Poddi Mathiyamanilam 09 Kalaithiran Poddi Mathiyamanilam 10 Kalaithiran Poddi Mathiyamanilam 11 Kalaithiran Poddi Mathiyamanilam 12 Kalaithiran Poddi Mathiyamanilam 13 Kalaithiran Poddi Mathiyamanilam 14 Kalaithiran Poddi Mathiyamanilam 15 Kalaithiran Poddi Mathiyamanilam 16 Kalaithiran Poddi Mathiyamanilam 17 Kalaithiran Poddi Mathiyamanilam 18 Kalaithiran Poddi Mathiyamanilam 19 Kalaithiran Poddi Mathiyamanilam 20 Kalaithiran Poddi Mathiyamanilam 21 Kalaithiran Poddi Mathiyamanilam 22 Kalaithiran Poddi Mathiyamanilam 23 Kalaithiran Poddi Mathiyamanilam 24 Kalaithiran Poddi Mathiyamanilam 25 Kalaithiran Poddi Mathiyamanilam 26 Kalaithiran Poddi Mathiyamanilam 27 Kalaithiran Poddi Mathiyamanilam 28 Kalaithiran Poddi Mathiyamanilam 29 Kalaithiran Poddi Mathiyamanilam 30 Kalaithiran Poddi Mathiyamanilam 31 Kalaithiran Poddi Mathiyamanilam 32 Kalaithiran Poddi Mathiyamanilam 33 Kalaithiran Poddi Mathiyamanilam 34 Kalaithiran Poddi Mathiyamanilam 35 Kalaithiran Poddi Mathiyamanilam 36 Kalaithiran Poddi Mathiyamanilam 37 Kalaithiran Poddi Mathiyamanilam 38 Kalaithiran Poddi Mathiyamanilam 39 Kalaithiran Poddi Mathiyamanilam 40 Kalaithiran Poddi Mathiyamanilam 41

முகப்பு
Selva Zug 2